Nerea López Lanzetak irakatsitako 24 orduko serigrafia tailer hau esperientzia duten edo ez duten pertsonentzat dago irekita. Programa PDF formatuan ikus dezakezu esteka honetan.
Saioak 2019ko martxoaren 26an, 28an eta 29an eta apirilaren 2an, 4an eta 5ean izango dira (asteartea, osteguna eta ostirala), goizeko 9:30etik 13:30era. Prezioa 90 € da bazkideentzat eta 110 € bazkide ez direnentzat. Oinarrizko materialak eta instalazioak barne daude. Parte-hartzaileek beren papera eta diapositibak ekartzeaz arduratuko dira.
Interesatuta bazaude, jarri harremanetan elkartearekin posta elektronikoz: asarteg@yahoo.es edo telefonoz: 943 47 38 37. Gehienez 8 parte-hartzaile.
NEREA LOPEZ LANZETA
Artista. Arte Ederretan lizentziatua da, Bilboko UPV/EHUtik. 2008tik 2013ra, Artelekuko serigrafia tailerra koordinatu zuen, eta 2014tik 2016ra, Debako Artisautza Heziketarako Zentroko tailerra. Hainbat serigrafia tailer eman ditu eta Daniel Canogar, Azucena Vieites, Iñaki Gracenea, Cornelia Solfrank eta Enrique Tomás bezalako artistekin kolaboratu du. Cristina Iglesias, Iñaki Gracenea, José Luis Zumeta, Manu Muniategiandikoetxea eta Koldobika Jauregi bezalako artistentzako lanen ekoizpenean ere parte hartu du.
Martxe Aranaren serigrafia